По двомесечна зимска пауза денеска конечно почна втората полусезона во најдобрата македонска фудбалска лига, а на програмата беа два натпревара.
Очекувано, Тиквеш условно како гостин во Кавадарци лчесно излезе на крај со крпениот тим на Шкупи. уште на полувреме бодовите беа обезбедени бидејќи кавадарчани на пауза заминаа во водство од 4:0, кои во вториот дел го зголемија за конечни 6:0.
Многу понеизвесно беше во Тетово каде копјата ги вкрстија Шкендија и Струга, трето и второпласираните екипи на табелата. Во тврда, но активна игра со многу борбеност од двете страни, на пауза се замина без голови. Во вториот дел иста слика, а како одминуваше времето домаќините ја презедоа иницијативата и притиснаа. Притисокот вроди плод во 78. минута кога по ударот од далечина на Бесарт Ибраими, гостинскиот голман Марко Анџелети ја изби топката, налета Александер Трумчи и несебично додаде лево до Себастјан Спахиу, кои непречен од никого ја затресе мрежата на стружани.
Гостите од Струга не само што не успеаја да го загрозат домашниот гол, туку примија и втор гол кога Спахиу на тацна му намести на зимското засилување Ндзенге.
Шкендија освои важни три бода во борбата да фати приклучок кон врвот, но од овој резултат задоволен е и Вардар, кој со победа утре над Арсими може да се одлопи на +4 на врвот.
Стадион „Градски“ во Кавадарци
Тиквеш - Шкупи 6:0 (4:0)
Стрелци: 9', 61', 76' Берат Садик, 20' Кристијан Стојкоски, 23' Данаил Тасев, 45' Давид Голубов
Главен судија: Димитар Пилешков (Штип)
Стадион „Градски“ во Тетово
Шкендија - Струга 2:0 (0:0)
Стрелци: 78' Себастјан Спахиу, 88' Фахд Ндзенге
Главен судија: Игор Стојчевски (Скопје)
Останатите натпревари од ова 17-то коло се играат в среда и четврток, додека веќе в петок почнува 18-тото коло.
Табела:
