Професионалниот англиски фудбалски судија Гарет Викарс (47) е осуден на 13 и пол години затвор за сексуално злоставување на три малолетни девојчиња, пресуди судот во Снерсбрук.
Викарс оди зад решетни поради серија сексуални злоупотреби на деца во кои се вклучени три 15-годишни девојчиња.
Фудбалскиот судија претходно се изјасни за виновен по 16 обвиненија, вклучувајќи сексуален контакт со дете, средба со дете по сексуален контакт, наведување или поттикнување дете на сексуална активност и сексуална активност со дете.
Инцидентите се случиле помеѓу ноември 2021 и октомври 2024 година, во кое време тој бил помошник судија во Англиската професионална фудбалска лига (ЕФЛ).
Вчера беше осуден на 13 и пол години затвор од судот во Снерсбрук, со дополнителни 3 и пол години условна казна. Исто така, доживотно беше ставен во регистарот на сексуални престапници.
Викарс бил помошник судија во времето на прекршоците.
Gareth Viccars: English Football League assistant referee jailed for 16 counts of child sex offences.
— Sky Sports News (@SkySportsNews) October 2, 2025
Организацијата на професионални фудбалски судии (ПГМОЛ), одговорна за судење на сите натпревари од Премиер лигата и ЕФЛ низ Англија, соопшти дека бил суспендиран „штом се појавија обвинувањата“.
Викарс не бил делегиран за судење натпревари по неговата првична суспензија. Се верува дека ПГМОЛ оттогаш го отстранил од списокот на организацијата.
Судијата рече дека и покрај признанието за виновен и изразите на каење од страна на Викарс, обвинетиот сè уште не негирал дека имал „сексуален интерес за женски деца“.
Овој интерес бил јасен од содржината на пораките испратени до неговите жртви и изјавата од поранешната девојка на Викарс, која изјавила дека тој рутински ја замолувал да носи училишна униформа.
