Со бакнеж испровоцира црвен картон за противникот

Реал Ваљадолид ја победи Гранада со 2:1 во натпревар од втората шпанска лига. Во сезоната на враќање кон Ла Лига, оваа победа носи важни три бода, а клучниот детаљ се случи во седмата минута од судиското продолжение.

Во финалето на стадионот „Хозе Зориља“, додека Ваљадолид го бранеше водството, дефанзивецот на домашниот тим, Иван Алехо, направи необичен потег. Надвор од главниот фокус на играта, го зграпчи најблискиот противник за главата и го бакна. Диего Ормиго реагираше така што го турна Алехо на земја, по што судијата Валера му покажа црвен картон. Погледнете ја ситуацијата ТУКА.

„Многу сум нежен, моите пријатели секогаш ми го кажуваат тоа. И знаев дека Ормиго е на работ и дека ќе ‘експлодира’ во секој момент. Го бакнав и тој ме турна... Мислам дека фудбалот е за паметни луѓе, а не за будали“, рече Алехо по неговиот „генијален“ потег, заклучувајќи:

„На крајот, мора да знаете како да искористите сè и, па, овој пат бев попаметен. Исклучувањето беше јасно. Тука заврши играта и немам што повеќе да додадам. По 12 одиграни кола, Ваљадолид го држи седмото место и е три бода зад второто место, што води директно во повисоката лига. Гранада е деветнаесетта и моментално се бори за опстанок.“