Клуб Бриж и Барселона одиграа спектакуларен натпревар во Белгија кој заврши со резултат 3:3. Првиот гол за Бриж го постигна Николо Тресолди, Барселона реализираше преку Феран Торес, а Карлос Форбс двапати ги врати домаќините во водство. Новото израмнување дојде по автоголот на играчот на Бриж, Христос Цолис, и со тоа го постави конечниот резултат.
Одличен гол за израмнување на резултатот на 2:2 постигна Ламин Јамал. Младиот Шпанец ја започна акцијата на Барселона, помина двајца играчи, доби додавање од соиграч, а потоа го израмни резултатот со ефектен финиш. Со својот пробив, тој потсети на Лионел Меси, кој имаше слични акции со години во дресот на Барса. Погледнете го голот ТУКА.
По овој резултат, Барселона го забележа своето прво реми во овогодинешната Лига на шампиони, и моментално го зазема 11-то место на големата ранг-листа. Со овој резултат, Бриж стигна до четвртиот бод, што им го донесе 22-то место на гореспоменатата табела.
