Некогаш еден од најдобрите фудбалери во светот, Нејмар, би можел да направи спектакуларно враќање на Стариот континент.
Според британските медиуми, Нејмар се поврзува со Манчестер Јунајтед.
Прашањето е дали 33-годишниот Бразилец (во февруари ќе полни 34), по серијата повреди во последните сезони, е подготвен за предизвиците на Премиер лигата.
Нејмар, најдобриот стрелец на сите времиња во бразилската репрезентација (79 голови на 128 натпревари), моментално игра за својот матичен клуб Сантус.
И покрај болките и советите од лекарите, прави сѐ што може за да го спаси клубот од испаѓање. Се врати во Бразил во јануари откако го раскина договорот со саудискиот Ал-Хилал и помина низ долг период на рехабилитација поради повреда на лигаментите на коленото.
Претходно Нејмар настапуваше за ПСЖ и за Барселона.
