Александер Исак наскоро ќе стане нов играч на Ливерпул. Тоа е бомбата што ноќеска одекна низ цела Европа, бидејќи најголемата сага од летниот преоден рок конечно заврши.
Ливерпул веќе долго време се обидува да го потпише Исак од Њукасл, а „Страчките“ го суспендираа поради неговата недисциплина во обид да ги принуди да го продадат, што на крајот и му успеа.
Како што објави Фабрицио Романо, Ливерпул испратил понуда од 150 милиони евра, која Њукасл ја прифатил.
Шведскиот напаѓач одамна ги договори личните услови со „Црвените“, па сè што останува е да ги помине медицинските прегледи и да го потпише договорот.
🚨💣 BREAKING: Alexander Isak to Liverpool, here we go! Deal agreed now for £130m transfer fee. Record move for Premier League.
— Fabrizio Romano (@FabrizioRomano) August 31, 2025
Isak, on his way today for medical tests as new Liverpool player after long term deal agreed months ago.
It was always ONLY Liverpool for Isak. pic.twitter.com/AGnXqBKsmX
Овој трансфер ќе стане најголемиот досега во Премиер лигата, што е втор пат ова лето Ливерпул да го сруши рекордот, откако претходно го постави со потпишувањето на Флориан Вирц од Баер Леверкузен за 125 милиони евра.
Исак е Еритреец, роден во Шведска од имигранти од Еритреја. Настапува за репрезентацијата на Шведска за која досега има 52 натпревара и 16 голови.
Во Њукасл беше од 2022 година, а претходно играше за Реал Сосиедад, Вилем II, Борусија Дортмунд и АИК.
