За време на реваншот од четвртфиналето на Лигата на шампионите помеѓу Реал Мадрид и Арсенал се случи спорна ситуација кога прво беше досуден пенал за домашните, а по 6 минути беше одлуката беше променета.
Во 20. минута судијата Франсоа Летексје досуди пенал за Реал Мадрид откако Килјан Мбапе падна во шеснаесетникот по контакт со Деклан Рајс.
Сепак, по шестминутната ВАР проверка, судијата ја прегледа снимката и заклучи дека контактот не е доволен за пенал, па одлуката беше поништена, што предизвика многу полемики меѓу фудбалските фанови.
Иако дури се размислуваше за можна офсајд позиција, официјалното објаснување на УЕФА е дека немало фаул.
UEFA statement: “The penalty for Real Madrid has been taken away due to a non-foul by Declan Rice."
— Football Tweet ⚽ (@Football__Tweet) April 16, 2025
You're ruining the spectacle of the sport. How can any decision take 5 minutes? Cheers lads, @UEFA. pic.twitter.com/0NAmEHpbwd
Непосредно пред тоа, беше досуден пенал за Арсенал поради влечењето од Раул Асенсио над Микел Мерино при удар од корнер.
Иако топката веќе беше во посед на голманот Куртоа, судијата со помош на ВАР досуди пенал. Букајо Сака го изведе, но Куртоа одбрани.
На крајот Арсенал славеше со 2:1 со голови во вториот дел и со вкупни 5:1 обезбеди место во полуфиналето и пресметка со ПСЖ.
