Откако двата денешни реванш полуфинални натпревари завршија без победник, пресудија победите на првите дуели.
Вардар отпатува во Струмица на гостувањето кај Брера со водство од 3:0 и немаше потешкотии да ја задржи високата предност. Струмичани во првото полувреме успеаја да вратат еден гол, но по паузата Вардар израмни. Со резултатот 1:1 зџаврши овој дуел, што значи дека со вкупно 4:1 Вардар оди во големото финале.
Понеизвесно беше на вториот меч крај Охридското Езеро каде домаќинот Струга имаше предност од 2:1 благодарение на гостинската победа среде Тетово во првиот дуел. На константниот дожд стружани поведоа рано во првиот дел, па Шкендија мораше да постигне два гола за да го израмни севкупниот резултат. Не им одеше на тетовчаните, па гол за израмнување постигнаа дури во последната минута од судиското надополнување и тоа по лоша реакција на домашниот голман по шут директно од корнер.
Стадион „Благој Истатов“ во Струмица
Брера Струмица - Вардар 1:1 (вк. 1:4)
Стрелци: 34' Христијан Јанкулоски - 58' Михаил Талевски
Главен судија: Игор Стојчевски (Скопје)
Стадион „Градска плажа“ во Струга
Струга - Шкендија 1:1 (вк. 3:2)
Стрелци: 19' Хоган Укпа - 90'+2 (аг) Сава Радиќ
Главен судија: Благојче Ралевски (Битола)
Вардар и Струга прв пат ќе се соочат во едно куп финале. За Вардар ова ќе биде вкупно седмо финале, но последното го играше во 2007 госина. За Струга ова ќе биде само второ финале, откако во 2023 загуби на пенали од Македонија ЃП. Вардар има 5 куп титули и е најтрофеен во натпреварувањето.
Финалето ќе се игра на 21 мај (среда) од 19:00 часот, а ФФМ дополнително ќе информира за локацијата иако фаворит е Националната арена „Тодор Проески“ во Скопје.
