Поранешниот селектор на италијанската репрезентација, Џенаро Гатузо, го има најдобриот почеток на сезоната откако е во тренерските води откако по три кола од Серија А е на делба врвот на табелата со максимален учинок.
По серијата неуспеси, Гатузо летово го презеде Лацио. Иако сите очекуваа да направи пауза од тренерската работа откако доживеа вистински дебакл со елиминацијата во плејофот за пласман на Светското првенство 2026 од Босна и Херцеговина, Гатузо се зафати со многу деликатна задача. Птсетуваме, Гатузо велеше дека ќе се исели од Италија доколку не ја однесе репрезентацијата на Мундијалот.
Го презеде Лацио во тешка ситуација, но по три кола од Серија А, „Бјанкочелестите“ се во изедначена борба за првото место со максимални 9 бодови.
Лацио на Гатузо прво ја победи Болоња на гости, а потоа и Џеноа дома. Синоќа, неговиот тим одигра тежок натпревар на гости во Удине против Удинезе и славеше со 2:1 и тоа по пресврт.
Домашниот тим водеше до крајот на натпреварот, кога Давиде Фратези постигна гол во 75-тата минута за 1:1. Конечниот резултат беше 2:1, а Алберт Гудмундсон го донесе големиот пресврт само неколку минути пред крајот.
Така, Лацио се израмни на првото место со уште два максимални тима по три кола, Интер и Рома. Вистината е дека тие се во водство поради подобрата гол-разлика, но подвигот на Лацио е секако многу поимпресивен со оглед на квалитетот на играчите, кои и тоа како заостануваат зад Рома и Интер.
Dopo la figuraccia col Mantova tutto mi sarei aspettato fuorché 3 vittorie di fila dalla Lazio di Gattuso.
— Guido Olivares🇮🇹 (@Guidolino8) September 7, 2026
Bravissimo il tecnico calabrese che ha sorpreso me e mezza Italia. La stagione è lunga, ma un inizio così è da elogiare.
Il mercato di Fabiani invece lo avevo elogiato già… pic.twitter.com/4qzJ2GMSVM
Со тоа, поранешниот селектор на Италија стана само третиот тренер на Лацио во нивната богата историја кој започнал сезона во Серија А со три победи.
Дури ни Свен-Јеран Ериксон со славната генерација од 1999/2000, кога Лацио го освои последното Скудето, немаше ваков перфектен старт.
Пред Гатузо вакво нешто им имаше успеано само на Томазо Маестрели во 1975 година и Владимир Петковиќ во 2013 година, па „Бјанкочелестите“ чекаа ваков почеток на сезоната цели 13 години.
Првиот меч од новата сезона не ветуваше ваков старт за Лацио, напротив. Гатузо официјалното деби го имаше во Копа Италија на 16 август кога Лацио на „Олимпико“ го пречека второлигашот Мантова и доживеа срамна елиминација губејќи со 2:0.
Дали Гатузо и Лацио ќе го издржат победничкото темпо ќе видиме в сабота од 18:00 часот кога Лацио ќе го пречека Милан.
