Шпанскиот весник Marca објави ужасна вест, дека загинал Диогу Жота, фудбалер на Ливерпул и португалски репрезентативец, кој со години важеше за еден од најдобрите фудбалери во англиската Премиер лига.
Според Marca, 28-годишниот португалски фудбалер загинал во сообраќајна несреќа во покраината Самора во Шпанија.
Несреќата се случила на 65-тиот километар од автопатот А-52, во близина на општината Паласиос де Санабрија.
⚫ Muere el futbolista del Liverpool Diogo Jota en un accidente de tráfico en la provincia de Zamora
— MARCA (@marca) July 3, 2025
😢 El siniestro se produjo en el kilómetro 65 de la A-52, a la altura del término municipal de Palacios de Sanabria. pic.twitter.com/Uz15fMHKoZ
Фудбалерот на Ливерпул загинал кога неговото возило излетало од патот и се запалило. Бил во автомобилот со својот брат Андре, исто така професионален фудбалер. За жал, двајцата загинале.
🚨 Dos jóvenes fallecen en un accidente en la A-52 (Palacios de Sanabria).
— Diputación Provincial de Zamora (@DiputacionZA) July 3, 2025
🚒 Interviene el Parque de Bomberos de Rionegro del Puente (Zona Norte del Consorcio de la @DiputacionZA)
🔥 El vehículo se incendió y las llamas se propagaron a la vegetación.
🖤 Tenían 28 y 26 años. DEP. pic.twitter.com/tqEhIS6iiY
28-годишниот крилен напаѓач има повеќе од 120 настапи за Ливерпул откако дојде од Вулверхемптон Вондерерс во 2020 година. Освои бројни трофеи со клубот, вклучувајќи ја и Премиер лигата.
Одигра 49 натпревари за португалската репрезентација и постигна 14 голови. Беше неизоставен член на португалската репрезентација заедно со Кристијано Роналдо.
Покрај Ливерпул, каде што од себе направи големо име во фудбалот, играше и за Вулверхемптон, Порто, Атлетико и неговиот матичен тим Пасуш де Ферејра во Португалија.
