Страшна сообраќајна несреќа се случи во Романија во која загинаа 7 навивачи на грчкиот клуб ПАОК од Солун.
Група навивачи на ПАОК кои патуваа во Франција на натреварот од последното коло во Лига Европа, против Лион, доживеаја трагична судбина.
Според информациите објавени од романските и грчките медиуми, во несреќата загинаа 7 лица, од кои 5 се грчки државјани.
Навивачите патуваа од Александрија до Франција за да го бодрат својот тим во последното коло од Лига Европа, кое ПАОК го игра против Лион в четврток. За жал, нивното патување беше прекинато на романски автопат во една од најлошите сообраќајни трагедии во последно време.
Ο χρόνος σταματά. Παγώνει. Τα λόγια στερεύουν. Ο πόνος διαπερνά το κορμί και το μυαλό. Τα δάκρυα τρέχουν από τα μάτια. Η θλίψη σε κυριεύει, σε γονατίζει, σε διαλύει.
— PAOK FC (@PAOK_FC) January 27, 2026
Μια ακόμα μαύρη μέρα. Μια ακόμα ανείπωτη τραγωδία για την οικογένεια του ΠΑΟΚ.
Καλό ταξίδι στα παιδιά μας, που η… pic.twitter.com/7OsUpzG0GW
Несреќата се случила на патот DN6-E70, еден од главните патишта во тој дел од земјата. Мал автобус, кој доаѓал од Грција и одел кон Франција со вкупно 10 патници, се обидел да престигне друго возило.
Враќајќи се во својата лента, возилото удрило во цистерна, по што било фрлено во спротивната лента каде што се судрило со камион.
Во страшната несреќа учествувале вкупно 4 возила – камион, минибус и два патнички автомобили. Трагичниот настан се случил во близина на Темишвар, на околу 80 километри од српската граница.
🚨LE CHOC DU MINIBUS DES SUPPORTERS DU PAOK A ÉTÉ D’UNE EXTRÊME VIOLENCE 🕊️🙏🏽 #PAOK pic.twitter.com/TyLIjSCbII
— ⚽️Actu Football⚽️ (@Actu_Massilia) January 27, 2026
Покрај седумте загинати, како што објавија грчките медиуми, уште три лица се повредени и итно префрлени во болници. Според властите, состојбата на двајца од повредените е критична, додека третото лице е во болница со сериозни повреди.
Додека го пишувавме тектов пристигна информацијата дека еден од повредените починал во болница од срцев удар, наводно кога докторите му кажале што се случило.
Пред 26 години во слична сообраќајка загинале 6 млади навивачи на ПАОК. На 4 октомври 1999 година, околу 4:30 часот ноќта, во близна на градот Темпи во Грција, младите навивачи на ПАОК се враќале од Атина кога автобусот додека се обидувал да престигне удрил во камион. На лице место загинал и возачот на камионот - вкупно 7 жртви.
