Заради ова гледаме фудбал!

Манчестер Јунајтед синоќа против Лион се пласираше во полуфиналето на Лига Европа по чудесното продолжение, а фотографиите од млад навивач на „црвените ѓаволи“ станаа вирални.

Јунајтед поведе со 2:0 со головите на Угарте во 10. и Дало во 46. минута, а Лион го доби продолженијата со головите на Толисо во 71. и Таљафико во 78. минута.

Черки во 105. минута и Лаказет од пенал во 108. минута му донесоа водство на Лион од 4:2 и се чинеше дека се згаснаа сите надежи на Јунајтед за борба за единствениот трофеј во сезоната, па токму на крајот од мечот камерата сними млад навивач на „црвените ѓаволи“ во солзи.

Во 114. минута Фернандеш од пенал намали на 4:3, а во 118. минута камерата се фокусираше на расплакано момче на трибините на Олд Трафорд.

Во 120-та, Мајно постигна гол за 4:4, а кога Мегваер постигна гол само една минута подоцна за победа на Јунајтед од 5:4 и премин во полуфиналето, режисерот на преносот се сети на расплаканото момче и го бараше.

Секако, со зборови не може да се опише среќата на момчето кое беше сведок на неверојатниот пресврт на неговиот тим, а уште еднаш се потврди дека фудбалот е најважната споредна работа на светот.

Јунајтед ќе игра против Атлетик Билбао во полуфиналето на Лига Европа, додека другата полуфинална двојка ја сочинуваат Тотенхем и Бодо/Глимт.