Утрово од Шпанија пристигна ужасна вест дека напаѓачот на Ливерпул и португалски репрезентативец, Диогу Жота, загина на 29-годишна возраст во сообраќајна несреќа што се случи во Западна Шпанија.
Жота загина само десет дена откако беше направи свадба и се ожени со својата долгогодишна партнерка Руте Кардосо.
Португалецот на 22 јуни се ожени со својата девојка со која долго време беше во врска и која му роди три деца.
„22 јуни 2025 година. Да, засекогаш“, напишаа Руте и Диогу на Instagram во заедничка објава каде што споделија фотографии од свадбата.
Нивното најстаро дете е момче родено во 2021 година, едно дете е родено во 2023 година, додека нивното последно бебе е родено на 26 ноември 2024 година и е ќерка.
Беа во врска повеќе од десет години, односно долго пред да започне професионалната фудбалска кариера на португалскиот напаѓач.
Жота е играч на Ливерпул од 2020 година, а за Португалија одигра 49 натпревари и постигна 14 голови.
Двапати ја освои Лигата на нации со Португалија, а со Ливерпул ги освои Премиер лигата, ФА купот и Лига купот.
