Шпанската репрезентација двапати висеше во нокаут фазате на Светското првенство, а во двата наврата беше спасувана од резервниот играч Микел Мерино.
Играчот клупата на „Црвената фурија“ не се налути што селекторот Луис де ла Фуенте не го стави во стартните единаесет или не го внесе на полувреме или, барем, на средината од второто полувреме од натпреварот, туку ја чекаше својата шанса како репетиран пиштол. И максимално ја искористи.
Прво, со својот шут во завршницата од осминафиналето, ја испрати селекцијата на соседна Португалија дома, а Кристијано Роналдо веројатно во репрезентативна пензија. Потоа „се појави“ во финишот од четвртфиналето за да ја реши Белгија.
„Верувам во некои случајности во животот и спортот, но не би ги оценил овие голови како такви. Навистина се подготвувам за моментот кога селекторот ќе ми каже да влезам во игра. Секогаш верувам дека ќе се снаоѓам добро кога ќе стапнам на теренот, но, повторно, признавам дека не можев да замислам такво сценарио дури ни во моите најлуди соништа.“
„Само нека продолжи серијата, мислам на победите на Шпанија. Моите голови или на некој друг, тоа е помалку важно“, рече играчот од средниот ред на Арсенал откако го закажа финалето пред финалето со Франција, во вторник во Далас.
