Дејвид Аделман, тренерот на Денвер Нагетс, зборуваше за Никола Јокиќ.
Аделман неодамна ненадејно стана шеф на стручниот штаб, каде дотогаш беше помошник, откако Мајкл Мелоун доби отказ неколку кола пред плеј-офот.
Сега негова задача е да го подготви најдобриот можен тим предводен од најдобриот играч на планетата - Јокиќ. Сепак, Аделман смета дека треба да се растерети што е можно повеќе.
„Има моменти кога сакаме да му дадеме пауза од оркестрирањето на секој напад“, рече Аделман и продолжи:
„Мислам дека не е можно да го освоиме она што сакаме да го освоиме така што тој ќе игра еден на три или еден на четири. Имаме доверба во другите момци дека ќе погодат отворени шутеви и дека ќе му биде полесно на Никола“.
Американскиот стручњак како добар пример го истакна мечот против Сакраменто Кингс, кој неговиот тим го доби со осум разлика, а Сомборецот имаше „само“ 20 поени, но со 12 скока, 11 асистенции и четири украдени топки.
„Натпреварот против Сакраменто е добар пример за тоа, бројките се показател на крајот. Тоа е она што тој го сака, мечот да дојде, да го оставиме да ја прочита играта и да реагираме од тоа на двата краја...“.
Главниот тренер на Нагетс потоа зборуваше малку повеќе за неговата визија за играта.
„Дел од нашата работа е да го заштитиме, а дел од неговата работа е да им верува на своите соиграчи. Асистенции, број на креативни шутеви, неверојатен е. Мора да живеете од отворените шутеви во плеј-офот. Некои од најдобрите тимови во историјата имаа ѕвезди и ги паметите, но јас секогаш велам поради татко ми (Рик Аделман) со кој ги гледав Лејкерс, ги памтиите Шек и Коби, но останатите момци ги креираа отворените шутеви. Тоа ви треба од тимот, а јас ја имам нивната доверба“, подвлече Аделман.
Денвер и Клиперс в сабота со почеток од 21 часот и 30 минути го играат првиот дуел од плеј-офот.
