Чудесниот Јокиќ постигна 55 поени, Кари се истакна со 46, само 19 за Дончиќ

Никола Јокиќ имаше уште еден феноменален настап во победата на Денвер Нагетс на гости против Лос Анџелес Клиперс од 130:116.

Јокиќ постигна 55 поени, заедно со 12 скока и 6 асистенции, додека шутираше 18/23 од поле и 5/6 од тројки.

Ова беше негов трет најдобар настап досега, а неговиот најдобар учинок во кариерата останува 61 поен.

Арон Гордон му помогна со 18 поени, Џамал ​​Мареј со 15 и Тим Хардавеј со 12.

Џејмс Харден беше најдобар стрелец на Клиперс со 23 поени, Џордан Милер додаде 22, Ивица Зубац постигна 18, а Богдан Богдановиќ додаде 11.

Стеф Кари постигна 46 поени, а Голден Стејт Вориорс го победи Сан Антонио Спарс со 125:120, победувајќи ги трипл-даблите на Виктор Вембанјама и Стефон Кесл.

Џими Батлер постигна 28 поени и имаше 8 асистенции за Голден Стејт, а Моузис Муди додаде 19 поени.

На другата старна Вембанјама постигна 31 поен, заедно со 14 скокови и 10 асистенции. Кесл заврши со 23 поени, 10 скокови и 10 асистенции.

Шеј Гилџс-Александер постигна 30 поени и имаше 9 асистенции во три четвртини, а Оклахома Сити Тандер ги победи Лос Анџелес Лејкерс со 121:92.

Ајзеја Џо додаде 21 поен за Тандер, кои го подобрија својот лигашки резултат на 12-1.

Бекот на Лос Анџелес, Лука Дончиќ, постигна само 19 поени, шутирајќи 7 од 20 од поле. Остин Ривс постигна 13 поени со шут 4 од 12 за Лејкерс.

Лејкерс повторно беа без Леброн Џејмс, иако во средата тренираше за првпат сезонава.

Резултати:

Шарлот Хорнетс - Милвоки Бакс 111-100
Детроит Пистонс - Чикаго Булс 124:113
Њујорк Никс - Орландо Меџик 107:124
Бостон Селтикс - Мемфис Гризлис 131:95
Мајами Хит - Кливленд Кавалирс 116:130
Хјустон Рокитс - Вашингтон Визардс 135:112
Њу Орлеанс Пеликанс - Портланд Треил Блејзерс 117:125
Сан Антонио Спарс - Голден Стејт Вориорс 120:125
Далас Маверикс - Финикс Санс 114:123
Оклахома Сити Тандер - Лос Анџелес Лејкерс 121:92
Сакраменто Кингс - Атланта Хокс 100:133
Лос Анџелес Клиперс - Денвер Нагетс 116:130

Табела: