Кошаркарите на Мајами Хит и Далас Маверикс славеа на гостувањата кај Чикаго Булс и Сакраменто Кингс, со што останаа во игра за влез во плејофот.
Во плејин фазата, Мајами убедливо го надигра Чикаго со 109:90, додека и Далас победи ноќеска кај Сакраменто, со 120:106. Интересно, и Мајами и Далас влегоа во плејинот од последната десетта позиција што води во продолжението на натпреварувањето.
Мајами сега ќе гостува кај Атланта Хокс во битката за осмото место во пресрет на плејофот, а победникот во првото коло ќе оди на Кливленд, додека Далас ќе гостува кај Мемфис Гризлис, а победникот во првото коло ќе се сретне со Оклахома Сити Тандер.
Инаку, синоќа за Мајами одличен беше Тајлер Хироу кој постигна 38 поени со 4 асистенции и 5 скокови. Ендрју Вигинс уфрли 20 поени со 9 скокови, а дабл-дабл учлинок имаше Бем Адебајо со 15 поени и 12 скокови.
Кај Чикаго најдобар беше Џош Гиди со 25 поени и 10 скокови, Коби Вајт уфрли 17 поени, а Црногорецот Никола Вучевиќ имаше дабл-дабл со 16 поени и 12 скокови.
Ентони Дејвис го предводеше Далас со 27 поени, 9 скокови и 3 блокади, Клеј Томпсон постигна 23 поени, а по 17 уфрлија ПиЏеј Вошингтон и Брендон Вилијамс. Единствен на високо ниво кај Сакраменто беше ДеМар ДеРозан со постигнати 33 поени и 7 скокови, Зак ЛаВин заврши со 20 поени и 9 асистенции, а Домантас Сабонис со дабл-дабл од 11 поени и 13 скокови.
Чикаго Булс (9) - Мајами Хит (10) 90:109
Сакраменто Кингс (9) - Далас Маверикс (10) 106:120
Источна конференција:
Кливленд Кавалирс (1) - Атланта Хокс/Мајами Хит (8)
Бостон Селтикс (2) - Орландо Меџик (7)
Њујорк Никс (3) - Детроит Пистонс (6)
Индијана Пејсерс (4) - Милвоки Бакс (5)
Западна конференција:
Оклахома Сити Тандер (1) - Мемфис Гризлис/Далас Маверикс (8)
Хјустон Рокитс (2) - Голден Стејт Вориорс (7)
Лос Анџелес Лејкерс (3) - Минесота Тимбервулвс (6)
Денвер Нагетс (4) - Лос Анџелес Клиперс (5)
