Детроит загуби добиен меч, Кливленд блиску до финалето на Истокот

Кошаркарите на Кливленд Кавалирс го победија Детроит Пистонс среде нивната „Литл Сизрс“ арена со 117:113 по продолжение во петтиот натпревар од полуфиналето на Источната конференција, поведувајќи со 3-2 во серијата и дојдоа на чекор од финалето.

Пистонс имаа 9 поени предност на 2:40 до крајот, 103:94, но Кавс се вратија и го одведоа натпреварот во продолжение, каде што гостинскиот тим се покажа подобро и победи.

Џејмс Харден ги предводеше до победата со 30 поени, 8 скокови и 6 асистенции, додека Донован Мичел додаде 21 со 4 скока и 3 асистенции, додека Макс Струс постигна 20 со 8 скокови. Еван Мобли заврши со 19 поени и по 8 скокови и асистенции, а Џерет Ален исто така беше двоцифрен со 16 поени и 10 скокови.

Најдобар играч на Пистонс беше Кејд Канингем со 39 поени, 9 асистенции и 7 скокови, додека Денис Џенкинс заврши со 19 поени, 3 асистенции и 2 скока. Тобиас Харис постигна 13 поени со 6 скокови и 3 асистенции, а Пол Рид исто така беше двоцифрен со 10 поени и 8 скокови.

Така Кавс ќе имаат можност да обезбедат место во финалето на Источната конференција во сабота пред своите навивачи. Натпреварот се игра во 1:00 чласот по полнок од петок кон сабота по македонско време во „Рокет“ арената.

Победникот од овој двобој во финалето на Истокот ќе се соочи со Њујорк Никс, кој со метла (4-0) ја елиминираше Филаделфија 76ерс.