Без разлика на големите промени и новиот тренер, ESPN пренесува дека Никола Јокиќ планира кариерата да ја продолжи во Денвер.
Според информациите на инсајдерите Тим МекМахон и Рамона Шелбурн, Денвер Нагетс подготвиле неверојатни 212 милиони долари за Јокиќ за уште три години соработка.
Српскиот кошаркар сезонава бележи просек од 29,8 поени, 12,8 скока и 10,2 асистенции по натпревар, а со реализација на овој договор би заработувал дури 70,6 милиони долари на годишно ниво, соборувајќи ги сите рекорди по плати во светот на кошарката.
Во моментов најплатен играч е Стеф Кари со 55,7 милиони долари по сезона, додека Јокиќ следи со 51,4 милиони долари.
