Денвер Нагетс го започна својот поход кон титулата во НБА со победата над Лос Анџелес Клиперс по продолжение од 112:110.
Никола Јокиќ уште еднаш се истакна и го предводеше својот тим до триумф со 29 поени, 9 скокови и 12 асистенции.
Денвер можеше да го заврши натпреварот во регуларното време. Последниот напад на мечот го имаше при резултат 98:98, Јокиќ можеше да шутира и тројка, но реши да му асистира на Расел Вестбрук, кој потоа наместо отворен шут направи серија непотребни дриблинзи и го уништи нападот.
Сепак, Денвер победи по продолжение и поведе со 1-0 во првото коло на Западот.
Босанецот Ивица Зубац беше еден од двајцата играчи во поразениот тим со дабл-дабл (21 поен и 13 скока), другиот беше Џејмс Харден (32 поена, 11 асистенции).
Следниот дуел меѓу Денвер и Клиперс се игра во понеделник навечер.
Лос Анџелес Лејкерс го започна овогодинешниот плејоф со пораз на домашен терен од Минесота Тимбервулвс.
Минесота победи убедливо со 117:95 и поведе со 1-0 во првото коло на Западот благодарение на тројца играчи кои постигнаа повеќе од 20 поени (Џејден МекДениелс 25, Наз Рид 23 и Ентони Едвардс 22).
Во редовите на Лејкерс единствен расположен за игра беше Лука Дончиќ, кој постигна 37 поени со 8 скокови, но забележа само 1 асистенција.
Со оглед на големото водство на крајот од натпреварот, шанса од клупата добија играчи од двете страни кои вообичаено имаат мала минутажа. Тоа не го искористи Брони Џејмс, кој за трите минути на паркетот не успеа да постигне поени.
Ноќеска се одиграа уште два натпревара од плејофот, а во нив славеа домаќините. Индијана Пејсерс го совлада Милвоки бакс со 117:98, додека Њујорк го победи Детроит Пистонс со 123:112.
