Јокиќ го уништи Сакраменто и продолжи со походот по четвртата МВП титула

Неверојатниот српски кошаркар Никола Јокиќ одигра уште еден феноменален настап во дресот на Денвер Нагетс, кој утрово го однесе до победа над Сакраменто Кингс.

Денвер играше на гости кај Кингс во „Голден 1 Сентр“ и успеа да ги победи без поголеми проблеми со 122:108, а Јокиќ беше убедливото прво име на натпреварот.

Јокиќ повторно беше нерешлива енигма за противничката одбрана и постигна 35 поени, запиша 15 скокови и подели 7 асистенции, а запиша и 2 украдени топки.

Стави крај на овој натпревар со одлична тројка на минута до крајот, кога ја погоди за +10. Потоа Денвер поведе со 116:106 и тоа беше крај на надежите за пресврт на Сакраменто.

Џамал ​​Мареј беше одличен за Денвер со 23 поени и 8 асистенции. Домантас Сабонис се истакна за Кингс со 19 поени и 8 скокови, а Демар ДеРозан постигна 16 поени.

По 14 поени додадоа Дру Јубенкс и Расел Вестбрук, кој исто така имаше и 8 скокови и 9 асистенции.

Со одлична игра, Јокиќ го продолжи својот поход кон освојување на четвртата МВП титула во кариерата, за која моментално се бори со Шеј Гилџс-Александер и Јанис Адетокунбо.

Резултати:

Бруклин Нетс - Торонто Репторс 109:119
Њујорк Никс - Мемфис Гризлис 133:120
Оклахома Сити Тандер - Голден Стејт Вориорс 126:102
Филаделфија 76ерс - Бостон Селтикс 102:100
Јута Џез - Индијана Пејсерс 152:128
Сакраменто Кингс - Денвер Нагетс 108:122

Табела: