Јокиќ не го исклучува МВП режимот: Четврти трипл-дабл во четвртиот меч сезонава

Никола Јокиќ ја отвори НБА сезоната на најдобар можен начин. Србинот уште отсега го вклучил МВП режимот и, очигледно, нема намера да излезе од него.

Денвер Нагетс ги победија Њу Орлеанс Пеликанс на домашен терен со убедлив резултат од 122:88, што му даде можност на тренерот Дејвид Аделман да го одмори Јокиќ, кој помина невообичаени за него 28 минути на теренот.

Сепак, во тој период успеа да запише уште еден трипл-дабл. Јокиќ го заврши натпреварот со 21 поен, 12 скокови и 10 асистенции, со што влезе во историјата на НБА.

Имено, тој забележа ист број трипл-дабл во првите четири натпревари од сезоната, со што се изедначи со две легенди - Оскар Робертсон, кому тоа му успеа во сезоната 1961/1962, и Расел Вестбрук, кој го направи тоа во сезоната 2020/2021.

Јокиќ ќе има шанса да избие сам на врвот ако постигне трипл-дабл во следниот натпревар што Денвер го игра на гости против Портланд Треил Блејзерс во петок навечер.

Денвер сега е на рекорд од три победи и еден пораз.

Резултати:

Бостон Селтикс - Кливленд 125:105
Детроит Пистонс - Орландо Меџик 135:116
Бруклин Нетс - Атланта Хокс 112:117
Чикаго Булс - Сакраменто Кинг 126:113
Далас Маверикс - Индијана Пејсерс 107:105
Денвер Нагетс - Њу Орлеанс Пеликанс 122:88
Јута Џез - Портланд Треил Блејзерс 134:136
Минесота Тимбервулвс - Лос Анџелес Лејкерс 115:116
Финикс Санс - Мемфис Гризлис 113:114

Табела: