Српскиот кошаркар Никола Јокиќ продолжува да прикажува неверојатни настапи за Денвер Нагетс, а во својата потрага по четвртата титула за најкорисен играч (МВП) блескаше и против Сакраменто Кингс ноќеска.
Денвер го уништи Сакраменто, победувајќи го со 136:101, а Јокиќ постигна 36 поени, имаше 12 скокови и 8 асистенции за 29 минути на теренот.
Јокиќ шутираше неверојатни 14/16 од поле, што е неверојатен процент на успешност од 87,5%. Шутираше 12/14 за два поена и 2/2 за три.
Беше малку полош од линијата за слободни фрлања, шутирајќи 6/8.
Јокиќ беше одлично поддржан во дресот на Денвер од Пејтон Вотсон, плејмејкер кој постигна 21 поен, додека за Сакраменто се истакнаа Малик Монк со 18 и Расел Вестбрук со 17 поени.
Денвер ја забележа својата 18-та победа сезонава и со скор 18-6 е на второто место на табелата во Западната конференција, додека Сакраменто е претпоследен со скор 6-19.
Резултати:
Хјустон Рокитс - Лос Анџелес Клиперс 115:113
Милвоки Бакс- Бостон Селтикс 116:101
Њу Орлеанс Пеликанс - Портланд Треил Блејзерс 143:120
Сакраменто Кингс - Денвер Нагетс 105:136
Табела
