Ноќеска се одиграа два плејин натпревари од НБА лигата, а на тој начин ги запознавме новите учесници во плејофот, откако победија Голден Стејт Вориорс и Орландо Меџик.
Голден Стејт во фантастичен натпревар го совлада Мемфис Гризлис со 121:116, па така Вориорс успеаја да се пласираат во плејофот.
Натпреварот го одбележаа неверојатните перформанси на Џими Батлер и Стеф Кари, кои заедно постигнаа 75 поени. Кари постигна 38, а Батлер еден помалку (37). Заедно со тој учинок, Кари имаше 8 скокови и 4 асистенции, додека Батлер фати 7 скокови и уфрли 6 асистенции.
Кај Мемфис блескаше Дезмонд Бејн со 30 поени, но тоа не беше доволно за Гризлис да избегнат пораз. Голден Стејт во плејофот ќе игра против Хјустон Рокитс.
Во плејофот се пласираше и Орландо Меџик, кој ја искористи предноста на домашен терен и ја совладаа Атланта Хокс со 120:95.
Тре Јанг беше најефикасен на натпреварот со 28 поени и 6 асистенции, но не им помогна на Хокс да победат. На другата страна, Кол Ентони беше најдобар со 26 поени и 6 скокови.
За поразените Мемфис и Атланта сезоната не е завршена, бидејќи тие како осмопласирани од регуларниот дел ќе имаат уште една шанса преку плејинот да обезбедат пласман во плејофот.
Мемфис сега го чека победникот од пресметката Сакраменто Кингс -Далас Маверикс, со кој ќе игра во финалето на плејинот, додека Атланта го чека победникот од дуелот Чикаго Булс - Мајами Хит.
Орландо во првото коло од плејофот го очекува серија против актуелниот шампион Бостон Селтикс.
