Фенербахче синоќа стана шампион на Европа откако во големото финале во Абу Даби го победи тимот на Монако со резултат 81:70, а по натпреварот се одржа церемонија на доделување пехари и медали.
Покрај пехарот и славата, Фенербахче собра 1,8 милиони евра, што е износот што Евролигата вообичаено му го дава на победникот во финалето, додека Монако доби чек од 1 милион евра.
Дури и грчките екипи кои беа елиминирани во полуфиналето на фајнлфорот не останаа со празни раце откако меѓусебно го одиграа натпреварот за третото место.
Олимпијакос победи против Панатинаикос со од 97:93, освојувајќи чек од 850.000 евра, додека поразениот тим инкасираше 770.000 евра.
Да потсетиме дека синоќа Фенербахче стана шампион на Стариот континент по втор пат во историјата, откако претходно ја освои титула пред осум години.
Најзаслужен играч во редовите на Фенербахче за освојувањето на трофејот во Евролигата беше српскиот кошаркар Марко Гудуриќ, на кого му беше доделена честа да го подигне трофејот.
Потоа следеше голема прослава во Абу Даби, која траеше до раните утрински часови, а вистинската забава ќе биде во Истанбул кога тимот ќе се врати од Емиратите.
