Кошаркарите на Оклахома Сити Тандер стигнаа до финалето од плејофот на Западната конференција за шампионот на НБА, победувајќи ги Денвер Нагетс со 125:93 во одлучувачкиот, седми натпревар во нивниот Пејком Центар. Ова значи крај на сезоната за Никола Јокиќ, кој е во тесна конкуренција за наградата за најкорисен играч (MVP).
Денвер имаше премалку мотивирани поединци, а Никола Јокиќ шутираше само девет пати од поле. Сепак, имаше 20 поени, девет скока и седум асистенции, но имаше и пет изгубени топки. Новинарите го прашаа по натпреварот какви се неговите планови за летото и дали размислува да игра за Србија на претстојниот Евробаскет.
„Не знам дали ќе играм за Србија летово. Морам да разговарам со тренерите и со некои од играчите. Ќе видиме за што можеме да се договориме. Но, во следните неколку дена веројатно ќе пијам многу пиво“, им одговори Јокиќ.
