Ноќеска се одиграа два натпревара од плејофот на НБА, на кои победија домаќините.
Минесота Тимбервулвс го победи Голден Стејт Вориорс со 121-110 и се пласираше во финалето на Западната конференција со вкупни 4-1 во серијата.
Џулиус Рендл ги предводеше Тимбервулвс до четвртата победа со 29 поени и 8 скокови, додека Ентони Едвардс го заврши натпреварот со 22 поена, 7 скокови и 12 асистенции.
Брендин Поџемски и Џонатан Куминга беа единствените расположени за игра во редовите на Голден Стејт. Поџемски постигна 28, а Куминга 26 поени.
Минесота сега го чека победникот од дуелот меѓу Денвер Нагетс и Оклахома Сити Тандер, каде Оклахома води со 3-2.
Бостон Селтикс го победи Њујорк Никс со 127:102 и ја продолжи серијата во второто коло од Источната конференција.
Дерик Вајт, кој постигна 34 поени, додека Џејлен Браун додаде 26, го предводеа Бостон до победа со која водството на Њујорк се намали на 3-2.
Џош Харт постигна 24 поени за поразениот тим, додека Џејлен Брансон уфрли 22.
Победникот од серијата меѓу Бостон и Њујорк во источното финале ќе игра против Индијана Пејсерс.
