Мистериозна објава на Леброн ги поскапи билетите за Лејкерс

Мистериозна објава на Леброн Џејмс на социјалните мрежи и во која стави хаштаг #ВтораОдлука, предизвика скок на цената на билетите за натпревари на Лејкерс.

Според ESPN, пред објавата на Џејмс, најевтиниот билет за натпреварот што ќе се игра во април следната година чинеше 82 долари.

По таа објава, цените скокнаа нагло, а еден билет чинеше дури 580 долари.

Ако некој сака да купи два билети за натпреварот што ќе се игра на 12 април следната година, кога Лејкерс ќе гостуваат кај Јута, цената на најевтиниот билет започнува од 760 долари.

ESPN наведува дека главната причина за зголемувањето на цените на билетите се шпекулациите дека претстојната сезона би можела да биде последна во неверојатната кариера на Џејмс.

За потсетување, Леброн се подготвува за својата рекордна 23-та сезона во НБА, а тој е со Лејкерс во изминатите осум години.