Никс со чудесен пресврт надокнадија -29 против Спарс и дојдоа на чекор од титулата

Њујорк Никс ноќеска направи историски камбек победувајќи го Сан Антонио Спарс со 107:106 и поведе со 3-1 во финалната серија.

Така, Никс се доближија на чекор од нивната прва титула од 1973 година, а оваа победа е особено важна со оглед на тоа што тимот од „Медисон Сквер Гарден“ стигна до неа откако надомести дури 29 поени негатива.

Победата им ја донесе ОуЏи Ануноби, кој на 1,2 секунди пред крајот на натпреварот го спаси промашувањето за три поени на Џејлен Брансон и со тоа го комплетираше враќањето кое изгледаше невозможно.

Брансон го предводеше Њујорк до победата со 36 поени и 7 асистенции, додека Ануноби го заврши натпреварот со 33 поени.

Виктор Вембанјама имаше 24 поени и 13 скокови за поразените, но неговиот шут од поле беше лош.

Ова е најголемото изненадување во еден натпревар од финалето на НБА откако лигата почна да води детални евиденции во 1997 година.

Претходниот рекорд го држеше Бостон Селтикс, кој го надмина дефицитот од 24 поени против Лос Анџелес Лејкерс во 2008 година. Спарс имаа водство од 27 поени на полувремето, а водеа со 81-52 во третата четвртина.

Петтиот натпревар од финалето се игра во сабота навечер во Сан Антонио, а Никс имаат три шанси да ја обезбедат титулата. Поточно, по македонско време ќе се игра во недела рано утрото во 2:30 часот и ќе се поклопи со мечот од Светското фудбалско првенство помеѓу Хаити и Шкотска кој се игра во Фоксборо, Масачусетс.