Американските медиуми јавуваат дека Џејмс Харден би можел да ги напушти редовите на Лос Анџелес Клиперс. Тамошни истакнати новинари пренесуваат дека Брадата би можел да заврши во Кливленд Кавалирс.
Во тек е финишот на периодот за трејдови, а наводно Клиперс во замена би требало да го добијат 26-годишниот плејмејкер Дариус Гарланд. Според наводите, преговорите траат со недели, а се додава и дека во Лос Анџелес не сакаат лесно да се откажат од Харден.
Според информациите на Шемс Чаранија, новинар на ESPN, Харден би можел во наредните денови лесно да го добие својот шести тим во најсилната кошаркарска лига во светот. Сè ќе биде познато во следните два дена, кога завршува рокот за размена на играчи во НБА.
Се очекува уште еден голем трејд, со оглед на тоа што Јанис Адетокунбо речиси сигурно ќе го напушти Милвоки Бакс.
