Кошаркарите на Њујорк Никс го победија Бостон Селтикс во шестиот натпревар со 119:81, елиминирајќи ги од плејофот за титулата.
Актуелните шампиони беа фаворити во серијата против Никс, но по повредата на Џејсон Тејтум работите значително се променија и на крајот Њујорк се пласираше во финалето на Источната конференција со водство од 4-2 во серијата.
Во синоќешниот натпревар во преполниот „Медисон Сквер Гарден“, со рекордно скапи билети, Њујорк демонстрираше сила и славеше убедлива победа, а прашањето за победникот беше решено веќе на полувремето кога Никс имаа плус 27 (64:37).
Њујорк до победата го предводеа четири играчи со повеќе од 20 поени - Џејлен Брансон (23), ОуЏи Ануноби (23), Мајкл Бриџис (22) и Карл-Ентони Таунс (21). Џош Харт имаше трипл-дабл од 10 поени, 11 скокови и 11 асистенции.
Од другата страна, единствен расположен за игра беше Џејлен Браун, кој го заврши натпреварот со 20 поени.
Њујорк ќе игра против Индијана Пејсерс во финалето на Источната конференција и ќе има предност на домашен терен во серијата до 4 победи. Првиот дуел ќе се игра ноќта од вторник кон среда.
