Њујорк Никс по 53 години ја освоија титулата во НБА

Њујорк Никс станаа шампиони во НБА откако ноќеска по четврти пат ги победија Сан Антонио Спарс и со 4-1 славеа во финалната серија од сезонава.

Никс остварија клучна победа утрово во „Фрост Бенк Сентар“ арената во Сан Антонио, каде што им го зададоа последниот удар на Спарс со триумф од 94:90.

Ова е само третата шампионска титула во НБА за Њујорк Никс и прва од 1973 година. Првата титула ја освоија во 1970.

Спарс утрово го отворија натпреварот многу подобро и веќе по првата четвртина имаа двоцифрено водство. Сепак, Никс се разбудија пред паузата, а првото полувреме заврши со 42:37 за домаќините.

Остатокот од натпреварот беше претежно кош по кош, а Спарс имаа водство од 7 поени пред решавачката четвртина.

Потоа започна нов брутален пресврт за Никс, кои по големата драма во финалето дојдоа до четвртата победа во финалната серија и ја освоија шампионската титула во.

Најдобар играч во редовите на Никс беше Џејлен Брансон, кој ноќеска постигна дури 45 поени за клучната победа на Њујорк.

Брансон имаше помош од Мајкл Бриџис кој постигна 14 поени и од Џош Харт со дабл-дабл од 13 поени 11 скокови. Дилан Харпер постигна 25 поени за Спарс, додека Виктор Вембанјама беше запрен на 19 поени и 14 скокови.