Оклахома ја прегази Минесота на стартот од финалето на Западот

Со натпреварот помеѓу Оклахома Сити Тандер и Минесота Тимбервулвс почнаа конференциските финалиња, а Тандер со импресивна победа од 114:88 покажаа зошто се главни фаворити во лигата.

Оклахома, откако ги елиминираше Денвер Нагетс во полуфиналето на Западната конференција, ја отвори серијата против Минесота на најдобар можен начин, покажувајќи дека ги интересира само пласман во финалето и освојување на титулата.

Интересно е што Оклахома повторно, како и во многу претходни дуели во плејофот, не успеа да го скрши отпорот на ривалот во првото полувреме. Гостите дури имаа и 4 поени водство на полувремето.

Сепак, продолжението донесе фантастичен настап на Оклахома, која, предводена од веројатно најдобриот играч во лигата, Шеј Гилџс-Александер, приреди потоп за Тимбервулвс.

Во второто полувреме Оклахома направи неверојатна разлика од 30 поени и покажа дека се бори единствено за титулата оваа сезона.

Гилџс-Александер повторно беше импресивен со 31 поен, 9 асистенции и 5 скокови. Џејлен Вилијамс додаде 19 поени и 8 скокови, а Чет Холмгрен имаше учинок од 15 поени и 7 скокови.

За Минесота, Џулиус Рендл постигна 28 поени со 8 скокови, а двоцифрен беше само уште Ентони Едвардс со 18 поени и 9 скокови.

Во финалето на Истокот се среќаваат Индијана Пејсерс и Њујорк Никс, а финалето започнува вечерва во 2 часот по полноќ.