Оклахома Сити Тандер поведе со 3-2 во финалната серија од плејофот на НБА откако ги победи Индијана Пејсерс со 120:109 утрово. Фаворизираната Оклахома на тој начин ја сврте серијата во своја корист, откако губеше со 1-0 и 2-1.
Оклахома одлично започна и имаше водство од 10 поени по солидна прва четвртина. Натпреварот продолжи со исто темпо до полувремето, при што домашниот тим водеше со 59:45 на полувремето.
Индијана покажа знаци на живот во третата четвртина кога ја намали разликата на само осум поени, а многумина мислеа дека ја очекува драматична завршница.
Сепак, Оклахома повторно го засили темпото во последните минути од натпреварот и лесно победи, доаѓајќи на чекор од шампионскиот трофеј.
Најдобриот играч на Оклахома беше Џејлен Вилијамс, кој постигна најмногу поени во кариерата - 40, за време на плејофот, додека Шеј Гилџс-Александер имаше 31 поен и 10 асистенции. Единствениот позитивен играч за гостите беше Сијакам, кој постигна 28 поени.
Шестиот натпревар од финалето, кој може да биде последен доколку Оклахома победи, е закажан за в петок, а домаќин е Индијана.
