Синот на Скоти Пипен започна тепачка во Мајами

Кошаркарите на Мајами Хит ја продолжија импресивната победничка серија откако го победија Мемфис Гризлис со 136:120.

Натпреварот го одбележаа Ендрју Вигинс и Норман Пауел, како и инцидентот на крајот од мечот.

Вигинс го предводеше домашниот тим со 28 поени, шутирајќи импресивни 9 од 10 од поле, додека Пауел додаде 25 поени.

Тие двајца беа клучни во третата четвртина кога Мајами доминираше со 39:26 и тука го реши победникот.

Кај гостите, Џарен Џексон постигна 28 поени (најмногу во сезоната), Џејлен Велс 25, Скоти Пипен 18 и Тај Џером 17 поени. Гризлис го претрпеа 11-тиот пораз во последните 14 натпревари.

На крајот од натпреварот се случи инцидент. На 1:19 пред крајот на четвртата четвртина, Скоти Пипен Џуниор налета на играчот на Мајами, Мајрон Гарднер, и го турна во првиот ред на трибините. Двајцата паднаа на подот и физички се судрија, а потоа двајцата беа отстранети од паркетот.