Кошаркарскиот свет е воодушевен од еден нов феномен. Неговото име е Џонгкуч Мач, има само 18 години, а со својот неверојатен изглед и талент веќе го привлекува вниманието на најголемите скаути во светот на престижниот кошаркарски камп во Тревизо, Италија.
На неодамнешниот камп во Италија, каде што најголемите светски таленти се собираат за да се докажат пред скаути од НБА и Евролигата, едно име буквално и фигуративно се издвои од останатите.
Младиот Мач, кошаркар поврзан со австралискиот систем за развој на играчи, го украде шоуто штом стапна на теренот.
Причината е едноставна - неговата нереална висина од 229 сантиметри! Иако има само 18 години (во октомври ќе полни 19), Мач е веќе повисок од сите активни играчи во најсилната кошаркарска лига во светот (НБА), надминувајќи дури и гиганти како Виктор Вембанјама и Зак Едеј.
@acurrentaffair9 JK Mach’s height means he stands out wherever he goes and has set his sights on playing basketball in the NBA. #9ACA ♬ original sound - A Current Affair
Според официјалната веб-страница на австралиската НБЛ, Мач „ги сврте главите“ на сите присутни во Тревизо. Сепак, она што најмногу ги охрабрува експертите не е само неговата висина, туку и фактот што за неговата височина покажува завидна подвижност, чувство за простор и механика на шут што не се типични за играчи со таа висина.
Младите центри со неговата физичка предиспозиција обично се троми и често имаат проблеми со координацијата, но Мач изгледа исклучително флуиден на паркетот. Неговиот распон на рацете му овозможува со неверојатна леснотија да го заштити обрачот, додека во нападот е нерешлива енигма за противничките одбрани.
Скаутите веќе внимателно го следат неговиот развој. Има долг пат пред себе во однос на физичката сила и адаптацијата кон сениорската кошарка, но експертите се согласуваат дека, доколку избегне повреди и продолжи со овој напредок, ЏејКеј Мач наскоро би можел да стане новата голема ѕвезда на светската кошарка и еден од најинтересните „перспективи“ на претстојните НБА драфтови.
Мач е роден во Австралија, но е по потекло од Јужен Судан, земја која важи за дом на највисоките луѓе.
Со 2 метра и 29 сантиметри засега Мач не би бил највисокиот играч во историјата на НБА бидејќи пред него се само двајца поранешни кошаркари, и тоа романскиот џин Георге Мурешан и Јужносуданецот Манут Бол, двајцата високи по 2 и 31.
Највисоки играчи во историјата на НБА:
2,31 м – Георге Мурешан
2,31 м – Манут Бол
2,29 м – Тако Фол
2,29 м – Јао Мин
2,29 м – Шон Бредли
2,26 м – Сим Булар
2,26 м – Славко Вранеш
2,26 м – Павел Подколзин
2,26 м – Чак Невит
2,24 м – Прист Лодердејл
2,24 м – Зак Едеј
2,24 м – Бобан Марјановиќ
2,24 м – Марк Итон
2,24 м – Рик Смитс
2,24 м – Ралф Семсон
2,21 м – Роко Зикарски
2,21 м – Ха Сон-џин
2,21 м – Арвидас Сабонис
2,21 м – Питер Џон Рамос
2,21 м – Серхе Звикер
2,21 м – Валтер Таварес
2,21 м – Хашим Табит
2,21 м – Жидрунас Илгаускас
2,21 м – Тибор Плајс
2,21 м – Александар Радојевиќ
2,21 м – Виктор Вембанјама
2,21 м – Свиди Халбрук
2,21 м – Ренди Броер
2,21 м – Бол Бол
2,21 м – Кит Клос
