Тешка повреда на Лилард, се зборува и за крај на кариерата

Кошаркарот на Милвоки Бакс, Демиен Лилард (34), се повреди во првата четвртина од четвртиот плејоф дуел против Индијана Пејсерс, кога падна на подот и не можеше да стане.

Лилард го напушти теренот со помош на медицинскиот персонал на Бакс. Американските медиуми се сомневаат на повреда на Ахиловата тетива, а некои дури и го доведуваат во прашање продолжувањето на неговата кариера.

Одличниот кошаркар не играше околу еден месец откако му беше дијагностицирана длабока венска тромбоза во десната потколеница, па Лилард почна да користи лекови за разредување на крвта.

Иако првичните проценки велеа дека нема повторно да игра во текот на тековната сезона, успеа да се врати за вториот натпревар против Пејсерс.

Лилард ноќеска до повредата немаше поени, а запиша по 2 скока и асистенции. Неговиот Милвоки го претрпе третиот пораз во серијата против Индијана и е пред елиминација губејќи со 3-1 во партии. 

Лилард одигра 58 натпревари за Милвоки сезонава и имаше просек од 24,9 поени по натпревар со 7,1 асистенции и 4,7 скока.

Потсетуваме дека својата кариера ја започна во 2012 година како играч на Портланд Треилблејзерс и беше прогласен за дебитант на годината откако ја заврши својата прва сезона во НБА со просек од 19,0 поени и 6,5 асистенции.

Деветкратниот Олстар играч и МВП на минатогодишниот Олстар натпревар го освои единствениот тимски трофеј минатата година кога го освои НБА купот со Бакс.