Халанд никогаш нема да биде капитен на Манчестер Сити додека Енцо Мареска е на клупата. Италијанскиот стручњак го изјави ова и објасни зошто донел таква одлука.
Како што објасни Мареска, причината за ова е неверојатната голгетерска форма на Халанд.
Новиот предводник на „Граѓаните“ практикува специфична тактика - тој инсистира капитенот на тимот да доаѓа на аут-линијата за нови инструкции секој пат кога тимот ќе постигне гол.
Со оглед на тоа што Халанд постигнува убедливо најмногу голови за тимот, Мареска верува дека не би било добра идеја брилијантниот норвешки напаѓач да ја пополни капитенската позиција што остана празна по заминувањето на Бернарду Силва.
„Во Лестер и Челси имав правило дека кога ќе постигнеме гол, капитенот мора да дојде на клупата за инструкции, а не да слави“, им рече Мареска на новинарите за време на предсезонската турнеја на клубот во Азија.
„Сепак, ако капитенот постигне гол, тогаш може да слави. Но, ако Ерлинг би бил капитен, јеб*га, ќе имавме проблем, можете ли да замислите?“, рече Мареска.
Италијанскиот стручњак, исто така, ја објасни тактичката важност на овие кратки консултации за време на натпреварите.
„Мислам дека дури и ако паузата е само две или три минути, секогаш има нешто што може да се прилагоди на теренот“, додаде Мареска.
Сегашната ситуација со лидерите во соблекувалната на Сити е малку неизвесна. Мареска потврди дека тимот моментално има неколку опции за лентата, но дека им недостасува еден клучен играч.
„Во моментов имаме три или четири капитени и ни недостасува еден. Тоа е Родри, кој се опоравува од операција на грбот. Во неговиот случај, со оглед на тоа што се поврзуваше со Барселона, останува да се види што ќе се случи“, заклучи тренерот на Сити.
