Бомба во брадата: Усик со разорно кроше го успа Дубоа

Украинскиот боксер Олександр Усик ја потврди својата доминација во тешката категорија синоќа во Лондон, откако го победи Даниел Дубоа и по втор пат ги обедини сите шампионски појаси.

Усик го победи Дубоа со нокаут во петтата рунда, откако го контролираше мечот и цело време водеше, со што стигна до победата број 24 во својата кариера, во која нема пораз.

Во петтата рунда, Усик прво го нокаутираше Дубоа, а кога стана, му зададе уште една серија жестоки удари. Прво, го погоди директно во брадата со лев директ, а потоа возврати со лево кроше, по што немаше враќање назад. Погледнете го нокаутот подолу.

Сега Усик е во неверојатна серија од по две победи над најдобрите тешкаши на денешницата - Тајсон Фјури, Ентони Џошуа и Даниел Дубоа, и ќе му биде тешко да најде достоен ривал за следните борби.

Иако веќе има 38 години, Усик по мечот изјави дека е „млад човек“ и дека ова е само почеток.