Македонскиот пливач Евгениј Поп Ацев вчера по 9 часа и 43 минути пливање го преплива каналот Ла Манш.
„Огромни честитки до Евгениј Поп Ацев од Македонија, кој денеска го заврши своето пливање во Каналот за неверојатно време од 9 часа и 43 минути. Евгениј е 3-кратен светски шампион и е примен во Меѓународната сала на славните за маратонско пливање. Има учествувано на 107 натпревари од светска класа во кариерата што траеше од 2007 до 2021 година. Неверојатно пливање Евгениј... и благодарност до целиот екипаж на бродот“, стои во објавата на Канал пливачката асоцијација.
Поп Ацев е само петтиот Македонец кој успеал да го преплива Ла Манш, познат и како Англиски Канал. Претходно тоа им има успеано на легендите Нико Нестор и Атина Бојаџи, како и на Томи Стефановски и Игор Димовски.
