Универзитетот во Пенсилванија објави дека ретроактивно ќе ги поништи сите резултати и рекорди поставени од трансродовата пливачка Лиа Томас.
Овој универзитет, исто така, им се извини на пливачките кои, поради учеството на Лиа Томас на натпреварите во пливање во САД, беа во нееднаква и подредена положба.
Одлуката е резултат на спогодба со Министерството за образование на САД и доаѓа по неколкумесечна федерална истрага која заклучи дека универзитетот ги прекршил одредбите од Законот IX, кој забранува дискриминација врз основа на пол, но сега инсистира на биолошка дефиниција на полот во спортот, дозволувајќи ѝ на Томас да се натпреварува во женска конкуренција.
Да потсетиме дека во својата кариера Лиа настапуваше и во машка и во женска конкуренција.
Како дел од спогодбата, Универзитетот во Пенсилванија се согласи да ги врати сите индивидуални рекорди, титули и почести на пливачките кои ги изгубиле поради Томас, а секоја од нив ќе добие лично извинување.
Исто така, Универзитетот „Пен“ објави официјална изјава на својата веб-страница во која се обврзува дека во иднина нема да им дозволи на мажите да се натпреваруваат во женски спортски програми или да користат женски спортски објекти, а дефинициите на полот ќе се базираат исклучиво на биологијата.
Лиа Томас стана првата трансродова спортистка што освои титула во прва дивизија на НЦАА, победувајќи во трката на 450 метри слободен стил во 2022 година. Пред тоа, таа настапуваше за машкиот тим на истиот универзитет три години, а се натпреваруваше во женското натпреварување една сезона, за време на која постави бројни рекорди и освои медали.
Одлуката на Универзитетот во Пенсилванија доаѓа во време кога администрацијата на претседателот Доналд Трамп води широка кампања за забрана на трансродовите спортисти во женските спортови.
Министерството за образование, под закана за задржување на федералните средства (во овој случај 175 милиони долари или 150 милиони евра), побара од „Пен“ да ги почитува новите закони.
НЦАА претходно им дозволуваше на трансродовите спортисти да се натпреваруваат во женска конкуренција под одредени услови, вклучувајќи хормонска терапија и документација за нивоата на тестостерон. Сепак, правилата оттогаш се променија и станаа значително порестриктивни, а најновите извршни наредби бараат строга поделба на спортистите според биолошкиот пол.
Секретарката за образование на САД, Линда МекМахон, ја нарече оваа одлука голема победа за жените и девојчињата, не само на Универзитетот во Пенсилванија, туку и низ целата земја.
