Феноменот во кој професионални MMA борачи влегуваат во спаринг со разни „инфлуенсери“ и јутјубери постои веќе долго време.
Поранешниот УФЦ шампион во бантам категорија Шон О’Мали објави видео на својот YouTube канал од спаринг сесија со професионалниот покер играч Френки Си, познат јутјубер.
О'Мали во видеото наведува дека прво играле партија покер, по што Френки морал да влезе во октагонот со нео. Како што можеше да се очекува, О'Мали лесно го совлада својот противник, иако не применил полна сила, за разлика од Шон Стрикланд, кој не ги штеди своите противници во такви ситуации.
О'Мали немал намера сериозно да го повреди Френки, но јасно покажа колку е голема разликата помеѓу обучен борач и лице кое не практикува боречки вештини. На крајот од спарингот, и О'Мали и неговиот тренер Тим Велч го изразија своето почитување за цврстината на Френки.
„Френки навистина се покажа. Многу луѓе би се откажале на почетокот на втората рунда, целосно исцрпени и скршени, но Френки остана силен и покажа почит“, рече Велч. О'Мали додаде дека е „многу, многу импресиониран од цврстината на Френки Си“.
