Кирил Капризов, 28-годишен Русин, одби продолжување на договорот со Минесота Вајлд што ќе го направеше најплатениот играч во историјата на хокејот.
Минесота му понуди нов осумгодишен договор вреден дури 128 милиони долари, а моменталниот рекорден договор на Леон Драјсајтл со Едмонтон Ојлерс е вреден 112 милиони долари, исто така за осум години.
Рускиот крилен играч има уште една сезона на петгодишен договор од 45 милиони долари што го потпиша во 2021 година.
Капризов, кој беше избран за најдобар дебитант во НХЛ во 2021 година, а беше Ол-стар во последните три години, сака да ги отвори своите опции на крајот од сезоната како слободен агент.
Досега собра вкупно 386 поени (185 голови, 201 асистенција) во 319 натпревари за Минесота, но немаше никаков тимски успех со Вајлд и поради тоа, дури беше спремен да одбие и рекорден договор.
