Германија со победа над Португалија 32:30 (11:11) ја отвори главната фаза на 17-тото Европско првенство на ЕХФ.
Тимовите од новоформираната Група 1 наизменично водеа во првото полувреме, додека Германците постојано беа во водство во вториот дел, а Португалците направија сè за да ги стигнат, но не успеаја.
Разликата ја направи горманскиот голман Андреас Волф, кој забележа 14 одбрани, додека од другата страна, Гуштаву Капдевиле и Педру Тонишер заедно собраа 6, а во вториот дел имаа само 2 одбрани. Буквално сè што шутнаа Германците заврши во голот на Португалија.
Покрај Волф, кај Германија се истакна Миро Шлуроф, кој седумте гола ги постигна во второто полувреме. Втор најдобра стрелец во германскиот тим беше Ренарс Ушчинс со 6 голови.
Португалија ја предводеше Кику Кошта со 10 голови, а по 5 постигнаа Мартим Кошта и Луиш Фраде.
Во другите натпревари од оваа група денеска играат Шпанија - Норвешка и Франција - Данска.
