Најдобриот српски тенисер Новак Ѓоковиќ ќе игра на претстојниот мастерс турнир во Мадрид, објавија организаторите на натпреварувањето.
По поразот во осминафиналето на Индијан Велс, Ѓоковиќ одлучи да ги пропушти мастерсите во Мајами и Монте Карло и ќе се врати на теренот кон крајот на април.
„Подготовка, фокус и стил. Новак Ѓоковиќ се подготвува за Мадрид опен“, се наведува во најавата за четвртиот мастерс во годината.
Покрај Ѓоковиќ, на турнирот во Мадрид ќе игра и Јаник Синер, додека Карлос Алкарас се повлече. Минатата година во Мадрид српскиот тенисер беше поразен во второто коло од Италијанецот Матео Арналди.
Ѓоковиќ во својата кариера три пати го има освоено турнирот во шпанската престолнина, а последниот пат во 2019 година кога со победи Стефанос Циципас. Оттогаш нема играно финале, но и пропушти три изданија, а едно не се одржа.
Мастерсот во Мадрид ќе се игра од 22 април до 3 мај за награден фонд од 8.235.540 евра.
