Навредливи графити кон Ѓоковиќ се појавија низ Србија

Иако неодамна доживеа неочекуван пораз во финалето на Мајами, каде загуби од Јакуб Меншик, Ѓоковиќ се подготвува за турнирот во Монте Карло.

Додека тој се концентрира на своите спортски обврски, на социјалните мрежи и градови низ Србија осамнаа графити со навредлива содржина насочени кон Ѓоковиќ. Графитите се појавија најверојатно како одговор на неговата поддршка за Студентите во блокада, а еден од нив стана хит на социјалните мрежи бидејќи погрешно беше напишано името на тенисерот.

На еден графит пишуваше „Новак допинг Ѓоковќ“, каде авторот погрешно го напишал презимето на српскиот тенисер, испуштајќи ја буквата „и“. Ова предизвика потсмев, а еден корисник на Х коментира: „Ако веќе се обидувате да навредувате, барем научете да го пишувате презимето на еден од најпознатите Срби“.