Нови проблеми за Ѓоковиќ во Шангај

Српскиот тенисер Новак Ѓоковиќ се мачи на Мастерсот во Шангај.

Тешките услови во кинескиот град оставаат трага врз тенисерите, а српскиот претставник не е исклучок.

Ѓоковиќ повраќаше двапати во натпреварот против Јаник Ханфман, а проблемите продолжија и во натпреварот против Хауме Мунар.

Новак мораше да побара медицинска помош, веднаш откако го „скрши“ шпанскиот тенисер. Се лизна додека трчаше по топката, по што се пожали на болка во долниот дел од левата нога.

Физиотерапевтот го зграпчи за глуждот, по што следеше масажа на потколеницата, која траеше кратко.