Сабаленка погласна од моторна пила, официјално најгласна тенисерка во светот

Најдобрата тенисерка во светот, Арина Сабаленка, во своите витрини има и достигнување кое не е поврзано со тенисот.

Имено, најголемата фаворитка за освојување на овогодинешниот Вимблдон во 3. коло против Ема Радукану достигна неверојатни 113 децибели со своето викање.

Општо е познато дека тенисерите и тенисерките испуштаат звуци кога ја удираат топката.

Додека некои го прават тоа за ослободување од стрес, некои го прават тоа за правилно дишење.

Интересно е што Сабаленка е многу погласна од моторна пила што достигнува 110 децибели. Мотоцикл достигнува 100 децибели, нормален говор 60, а градски сообраќај 75.

Да потсетиме дека Сабаленка стигна до четвртфиналето на Вимблдон, каде што утре ќе игра против Германката Лаура Зигмунд (104. ВТА).