Синер го победи Рубљов и го сруши рекордот на Ѓоковиќ

Италијанскиот тенисер Јаник Синер го победи Андреј Рубљов во четвртфиналето на Мастерсот во Рим и ја забележа својата 32 победа по ред на турнирите од серијата 1.000.

Синер го победи Рубљов со 2-0 во сетови, по 1 час и 32 минути тенис (6:2, 6:4).

Италијанецот го сруши рекордот на Новак Ѓоковиќ по број на победи на Мастерс турнирите по ред, откако Србинот имаше 31 во 2011 година.

Единствениот што можеше да го спаси рекордот на Новак беше Рубљов, но тој едноставно немаше шанса, како што и се очекуваше.

Синер има скор од 8-3 против него, со 6 победи во последните 7 натпревари.

Ривалот на Синер во полуфиналето во Рим ќе биде победникот од мечот меѓу Даниил Медведев и Шпанецот Мартин Ландалусе Лакамбра.