УС опен ќе има нов шампион: Зверев и Шелтон изборија финале

Германецот Александер Зверев и Американецот Бен Шелтон ќе се соочат во финалето на УС опен, последниот Грен слем турнир во сезоната.

Во првото полуфинале, Зверев – првиот носител на турнирот – го совлада Карен Хачанов со 6-3, 7-6(7), 7-6(6), додека Шелтон го победи Френсис Тиафо со 4-6, 6-3, 6-3, 7-5.

Шелтон сега има можност да стане првиот Американец што ќе го освои УС опен по победата на Енди Родик во 2003 година.

„Ќе го дадам максимумот и ќе го оставам срцето на теренот. Се надевам дека ќе дојдете да ме поддржите. Ајде да го направиме ова за САД“, изјави осмиот носител на турнирот.

Зверев, овогодишниот шампион на Ролан Гарос, се надева дека ќе го спречи тоа големо американско славје.

„Се надевам дека нема да дозволам американскиот сон да се оствари во недела“, изјави Германецот со руско потекло.

Машкото финале на УС опен е закажано за в недела, со почеток во 20:00 часот.